في مايلي ماقله حسين الراقد لصحيفة « la presse » حول نظام البطولة الجديد :
– ديما نقول الي برشا فرق موجودة في المحترفة الاولى و هذا شيء غير مقبول لأن أغلب الفرق ماعندهاش بنية تحتية تساعد على لعب كورة في ظروف جيدة
– اذا نحبو بطولتنا تتحسن و نرتقيو بكرتنا لازم نقصو من الفرق في الرابطة الاولى و لازم زادة تتحسن البنية التحتية للملاعب
– فكرة بطولة بمجموعتين فكرة باهية لكن مش في النصف الاول منها في النصف الثاني في البلاي اوف هاكا الي بيه الفائدة باش يكونو فيها اكثر من دربي اكثر من كلاسيكو و النيفو يكون باهي
– البطولة في تونس من المفروض ماتتفوتش 12 فريق
– فما فرق كبير في المستوى بين البطولة التونسية و مسابقتي الكاف و الشامبيونزليغ و مباريات المنتخب كذلك , النيفو اقوى ببرشا , البلاي اوف يساعد فرقنا حتى طلع في النيفو و تكون قريبة للمستوى الافريقي , و ماتنجمش تحسنها وقتلي تلعب ضد فريق 11 لتالي و كل دقيقتين و جوار طايح على هاكا نتصور البطولة بمجموعتين فكرة باهية و ضروري .
